Adingabe bat atxilotuta, imitaziozko armarekin Polizia apuntatzeagatik

Gasteizko Udaltzaingoak adingabe bat atxilotu du astelehen honetan, kalean imitaziozko armarekin agenteak apuntatzeagatik. Gertaera 12:20ean izan da. Kaletik zihoan gazte batek soinean pistola bat zeramala salatuz dei bat jaso du Udaltzaingoak, Gasteizko Udaleko iturriek jakitera eman dutenez.

Udaltzaingoko hiru patruila bertaratu dira, era gazteari gelditzeko eskatu diote. Adingabeak buelta eman eta agenteak imitaziozko pistolarekin apuntatu ditu.

Azkenik, gaztea atzeman eta, arma imitaziozkoa zela egiaztatu ondoren, adingabea atxilotu egin dute.

Mota honetako pistolen erabilera debekatuta dago, benetako armekin duten antzekotasunagatik.