Itxi

2021/09/29

11:45

Gizartea

Koronabirusa

LABIren Aholku Batzordea datorren asteartean bilduko da

Eider Garaikoetxea O. | EITB MEDIA

Pandemia Euskadin izaten ari den "bilakaera baikorra" nabarmendu du Urkulluk, baina baztertu egin du bilera lehenago egitea, Batzorde Zientifiko-Teknikoa ez baita oraindik batzartu.

  • LABIren Aholku Batzordea irailaren 16an bildu zen azkenekoz.

    LABIren Aholku Batzordea irailaren 16an bildu zen azkenekoz. EITB Media

  • Whatsapp
  • Whatsapp
  • Telegram
  • Bidali

Iñigo Urkullu lehendakariak iragarri duenez, LABIren Aholku Batzordea datorren astean bilduko da koronabirusari aurre egiteko neurriak arintze aldera. Lehendakaritzatik gerora zehaztu dutenez, bilera datorren asteartean, urriaren 5ean, izango da, 16:30ean hasita.

Euskadiko lidergo etikoaren III. kongresuaren inaugurazioan kazetariei egindako adierazpenetan, Urkulluk baztertu egin du batzarra lehenago egitea, txostena egin behar duen Batzorde Zientifiko-Teknikoa ez baita oraindik batzartu.

Halaber, ez du zehaztu nahi izan LABI instituzionalak egingo duen azken bilera izango ote den; izan ere, mahai gainean dago Osasun Publikoaren larrialdi-egoera bertan behera geratzea. "Ezin dut horrelakorik aurreratu. Batzorde Zientifiko-Teknikoaren irizpenaren zain nago", argudiatu du.

Dena dela, pandemia Euskadin izaten ari den "bilakaera baikorra" nabarmendu du, baina "tentuz" ibili behar dugula gaineratu du.

Irailaren 16an bildu zen azkenekoz LABIren Aholku Batzordea, eta, besteak beste, gaueko aisialdia 03:00ak arte zabaltzea onartu zuen.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.

  • Bisitatuena

      Kargatzen ikusiena
      Kargatzen ikusiena
    ;