Gizartea -
Gertakaria
Adineko emakume bat hil dute Murtzian, jipoituta
Guardia Zibila hildako emakumeari eta beste biri eraso zien gizonezkoaren bila ari da. Antza, emakumeei jipoia eman ondoren ihesari eman zion.
Erredakzioa
Adineko emakume bat hil da Murtzian gizon batek kalean eraso egin eta jipoitu ostean. Ikerketa iturrien arabera, gertakaria astelehenean jazo zen Murtzia eta Alacanteko Orihuela herrien arteko baratze inguru batean.
Hildako emakumea eta beste adineko bi andre paseatzera irten ziren kalera, eta ortu inguru batetik zihoazela gizonezko batek eraso egin zien eta jipoia eman zien. Ondoren erasotzaileak ihesari eman zion. Guardia Zibila haren bila ari da.
Emakumea atzo hil zen ospitalean, erasoan jasandako zaurien ondorioz. Beste andre batek ingresatuta jarraitzen du eta bestea etxean da jada.