Gizartea -
Lapurrak bilatzeari ekin diote
Bi lapurreta izan dira, ordu gutxiko tartearekin, Gipuzkoan
Banku bat lapurtu eta zuzendaria lotuta utzi dute, Banco Pastorrek Eibar plazan (Donostia) duen bulegoan. Bestalde, hiru pertsonek Irungo lokutorio batean lapurtu dute.
Erredakzioa
Hiru pertsona Donostiako banku batean sartu dira gaur, lapurtzeko asmoz, zulo bat eginez. Bankuko zuzendaria lotuta utzi eta ihes egin dute, Herrizaingo Sailak jakinarazi duenez.
Lapurreta 17:00ak aldera izan da. Hiru lapurrek aire hodia erabili duten zulo bat egin eta Banco Pastorrek Donostiako Eibar plazan duen bulegoan sartzeko. Bulegoa itxita zegoen, baina zuzendaria lanean ari zen barruan, eta lapurrek zuzendaria lotu eta ahoa estali diote, ikertzaileek jakinarazi dutenez.
Ondoren, hiru lapurrek ihes egin dute; oraindik ez dakite lapurreta egin duten edo ez.
Bestalde, gaur arratsaldean ere, hiru pertsona sartu dira armekin Irungo lokutorio batean eta lapurtu ostean, ihes egin dute.
Lapurreta 19:20ak aldera izan da, gaizkileak eskopeta batekin Pikoketa kalean dagoen lokutorioan sartu direnean. Barruan hainbat bezero zeuden, eta diru kopuru bat hartu ostean, ibilgailu batean ihes egin dute.
Ertzaintza lapurral bilatzeari ekin dio eta patruilak jarri ditu inguruko errepide nagusietan, lapurrak harrapatzeko.