Gizartea -
Gertaera Gasteizen
Neska batzuei genitalak erakusteagatik atxilotu dute Gasteizen
44 urteko gizonezko bat atxilotu du Gasteizko Udaltzaingoak, adingabe batzuei eskolatik irteten ari zirenean genitalak erakustea leporatuta.
Erredakzioa
Atzo atxilotu zuten ustezko exhibizionista, 14:30 aldera, baina otsailaren 28an gertatu zen, Gasteizko Udaltzaingoak esan duenez.
Egun horretan, atxilotu berri duten gizona neska adingabe batzuengana joan zen ikastetxetik ateratzen ari zirenean, eta soinean zeraman jaka luzea ireki zuen genitalak erakusteko.
Biktimek laguntza eskatu zioten bertan umeen irteera bideratzeko laguntzen ari zen agente bati, eta honek ustezko exhibizionista identifikatu zuen. Lekukoen datuak bildu eta ikerketa burutu eta gero, atzo, azkenean, atxilotu eta epailearen esku utzi zuten.