Abusuak egin zituen irakasle bat, atxilotuta epaiketara ez joateagatik

Castellon (Valentzia) bederatzi ikasle adingaberi sexu abusuak egitea egotzi dioten irakasle bat atxilotu egin dute, astelehenean ez baitzen aurkeztu epaiketara.

Astelehenean, goardiako epaileak atxilotzea agindu zuen, eta ondorioz, gizonezkoak preso eman du gaua. Akusatua gaur agertuko da epailearen aurrean, eta hark erabakiko du kautelazko neurririk hartu edo ez. Fiskalak 35 urteko espetxe zigorra eskatu du irakaslearentzat, bederatzi sexu abusu eta adingabeak galbidean jartzea egotzita. Ustez, lan egiten zuen ikastetxean egin zituen.

Ministerio Publikoaren esanetan, gizonezkoak 2009ko urtarriletik egin zituen abusuak, lehen hezkuntzako irakasle izateaz baliatuta. Hainbat biktimari, gainera, argazkia ere atera zien.

Akusatua 2010eko urtarrilaren 27an atxilotu zuten, beste ikastetxe batean, hau da, ez lan egiten zuenean, emakumezko batzuek umeei argazkiak ateratzen ikusi eta gero.