Gizartea -

TRAFIKOA

Hainbat ibilgailuren arteko istripuak auto-ilarak eragin ditu A-8an, Bilbo parean

Ezbeharra goizeko lehen orduan gertatu da, Kantabriarako noranzkoan, eta 09:35erako, zirkulazioak normaltasuna berreskuratu du. A-8an, Zorrotzako bihurguneetan, baina Donostiarako noranzkoan, bi autoren arteko istripuak eragin ditu auto-ilarak.

Auto-ilarak A-8an, Bilbo parean. Argazkia: @trafikoaEJGV
Auto-ilarak A-8an, Bilbo parean
Auto-ilarak A-8an, Bilbo parean. Argazkia: @trafikoaEJGV

Onintza Aiestaran | EITB Media

Whatsapp Facebook Twitter Telegram Email

Hainbat ibilgailuren arteko istripua izan da gaur goizean A-8 autobian, Bilbo parean, eta horrek auto-ilara luzeak eragin ditu Kantabriarako noranzkoan, Eusko Jaurlaritzako Segurtasun Sailak jakinarazi duenez.

Istripua 07:45ean gertatu da, Errekalde parean, San Mameseko irteera baino lehen, eta ibilgailuek hiru erreiak oztopatu dituzte hainbat minutuz.

09:35erako, zirkulazioak normaltasuna berreskuratu du.

A-8an, Bilbon bertan, Donostiarako noranzkoan, bi autok talka egin dute Zorrotzako bihurguneetan, eta hor ere auto-ilarak sortu dira.

AP-8an, Gipuzkoan, Mendaron eta Zumaian, bi auto errepidetik atera dira, eta hor ere trafiko eragozpenak sortu dira. 

Hau zure interesekoa bada, baliteke beste gai hauek ere izatea
Trafiko Istripu Hilgarriak Trafikoa Bilboko azken albisteak Bizkaiko albisteak Albisteak Gipuzkoa EAE Gizartea albisteak Trafikoko web-kamerak Bilbon Prentsa digitalaren azken orduko Gaurko azken orduko albistea A-8 autobideko istripuak gaur Trafiko istripuen biktimak