Metroko bagoi batean graffitiak egitea leporatuta atxilotu dituzte

19 eta 21 urte arteko hiru gazte atxilotu zituzten atzo Sopelan, metroaren bagoi batean graffitiak egitea leporatuta, Herrizaingo Sailak jakinarazi duenez.

Gertakaria atzo 16:00etan jazo zen. Metroko segurtasun saileko langileek hiru gazte geltokian zegoen bagoi batean graffitiak egiten ari zirela ohartarazi zioten Ertzaintzari, eta korrika ihes egin zutela adierazi zien.

Ertzaintzaren agenteek geltokitik gertu zegoen eraikin baten atarian aurkitu zituzten hiru susmagarriak. Spray potoak zituzten eskuan eta kalteak eragin izana leporatuta atxilotu egin zituzten.

Horrez gain argazki kamera batean, graffitiak egiten ari ziren uneko argazkiak zituzten jasota.