Gizartea -
Gertakaria Nafarroan
2.000 txerri hil dira Zarrakazteluko granja batean izandako sutean
Granja erabat suntsituta geratu da. Sua atzo arratsaldean piztu zen, oraindik argitu gabe dauden arrazoiak tarteko. Guardia Zibila gertakaria ikertzen ari da.
Erredakzioa
Sute batek granja bat kiskali du Zarrakaztelun (Nafarroa) eta bertan zeuden 2.000 txerri inguru hil egin dira. Nafarroako Gobernuak gaur jakinarazi duenez, sua atzo arratsaldean piztu zen, 18:00ak aldera, eta oraindik ez dute argitu zerk eragin zuen.
Estalkiak su hartuta, granja behera etorri zen. Kanpoaldeko urangak eta pentsu zakuak bakarrik geratu dira kalterik jasan gabe. Gertakaria argitzeko asmoz, Guardia Zibilak ikerketa bat jarri du abian.