Gizartea -
Lan-ezbeharra
Gizonezko bat hil da traktorea iraulita, Hernanin
76 urteko gizon bat hil da gaur eguerdian Hernaniko Ereñotzu auzoan baratzean lanean ari zenean traktorea iraulita.
Erredakzioa
76 urteko gizonezko bat hil da gaur eguerdian gidatzen ari zen traktorea iraulita, Hernaniko (Gipuzkoa) Ereñotzu auzoan, Herrizaingo Sailak jakitera eman duenez.
Ezbeharra 12:40 aldera gertatu da. Gizona baratzeko lurrak mugitzeko makina bat gidatzen ari zen istripua gertatu denean. Osasun zerbitzuetako langileek nekazariaren heriotza baieztatu besterik ezin izan dute egin.