Gizartea -
Bilbon
Bilboko tabernari bat atxilotu dute, langile bati jotzea egotzita
Tratamendu kirurgiko berezitua eta hiru hilabeteko baja hartu behar izan zuen, zauriak sendatzeko.
Erredakzioa
Bizkaiko Probintzia Auzitegiak hiru urteko kartzela zigorra ezarri dio Bilboko tabernari bati, zerbitzari bati lesioak egitea egotzita. Langileak eta tabernariak eztabaida bat izan zuten lan-ordutegia zela eta, eta ozta-ozta atzamarra ebaki zion.
Maria Jose Madrazo da langilea eta gaur eman du bere kasuaren berri, Euskadiko CCOOeko ordezkariek lagunduta. Arautegi aldaketa bat eskatu dute, lan eremuan indarkeria pairatzen duten langileek kontratuaren iraungitzea berehala eskatu ahal izateko, langabezia kobratzeko eskubideekin eta bidegabeko iraizpena izango balitz bezalako kalte-ordaina jasoz.
Bizkaiko Auzitegiak 2011ko martxoaren 17rako ezarri zuen ostalariaren aurkako kartzela zigorra. Otsailaren 20an epaia baieztatu zuten, Auzitegi Gorenak zigortuaren kasazio errekurtsoa errefusatu ostean.
Auzitegiak frogatutzat eman tabernariak "barrara sartzeko mugitzen den zatia altxatu eta Maria Joseren eskuaren gainean erortzen utzi zuen, eskuineko eskuko bigarren atzamarra harrapatu ziolarik", dio sententziak.
Langileak atzamar osoaren ebaketa izan zuen ia-ia. Tratamendu kirurgiko berezitua eta hiru hilabeteko baja hartu behar izan zuen eta “antsietateak jota” geratu zen.