Gizartea -
Gertakaria
Lau ibilgailu erre dira Bilbon ustekabeko sute baten ondorioz
Goizeko 01:30ean Kastrexana eta Zorrotza arteko bidean aparkatuta zeuden lau ibilgailu erre dira, hiru auto eta atoi bat.
Erredakzioa
Lau ibilgailu erre dira goizaldean Bilbon ustekabeko sute baten ondorioz, Herrizaingo Sailak jakinarazi duenez. Kiskali den autoetako bat Bizkaiko Aldundiarena da.
Goizeko 01:30ean Kastrexana eta Zorrotza arteko bidean aparkatuta zeuden lau ibilgailu erre dira, hiru auto eta atoi bat.
Bi ibilgailu guztiz kiskalita geratu dira eta beste biek kalte garrantzitsuak jasan dituzte. Inguruko garaje baten ateak ere kalteak jasan ditu. Herrizaingo Sailak jakinarazi duenez, sutea ustekabean piztu da.