Sei lagun atxilotu dituzte Gasteizen, gazte bati ostikoz jotzeagatik

Ertzaintzak sei gazte atxilotu zituen atzo Gasteizen, ustez mehatxu egin zien lagun bati buruan ostikoz jotzeagatik, Herrizaingo Sailak esan duenez.

Erasoa goizaldeko zazpietan gertatu zen, Gasteizeko Mendizorrotza auzoan. Biktimak azaldu zuenez, sei gaztek jo egin zioten diskoteka batetik ateratzerakoan, neska batekin hitz egiteagatik. Buruan ostikadak eman zizkiotela eta lurrean utzi zutela kontatu zuen.

Ertzaintza susmagarriak bilatzen hasi zen eta diskotekatik gertu topatu zituen. Biktimak mehatxu egin ziela esan zuten horiek, eta gerriko batekin jo eta harrika hasi zitzaiela. Beste gazte talde batek, gainera, berretsi egin zuen hauek kontatu zutena.

Ertzaintzak atxilotu egin zituen 21 eta 23 urte bitarteko sei gazteak, nahiz eta beranduago aske gelditu ziren, epaileak deitutakoan epaitegira joateko betebeharrarekin.