Gizartea -

Nafarroa

Lau urteko haur bat larri zauritu da hirugarren pisutik erorita, Corellan

Neskatoa helikopteroz eraman behar izan dute Nafarroako Unibertsitate Ospitalera; baina, hasiera batean, ez dirudi bere bizitza arriskuan dagoenik.

agentziak | eitb media

Whatsapp Facebook Twitter Telegram Email

Lau urteko neskato bat larri zauritu da Corellako (Nafarroa) eraikin bateko hirugarren solairuan dagoen etxebizitza batetik behera erorita.

Nafarroako Gobernuko iturrietatik jakinarazi dutenez, gertakaria 12:45 aldera izan da, eta adingabeak hezurrak hautsi baditu ere, ez du garezur-garuneko traumatismorik; eta larri dagoen arren, badirudi bere bizitza ez dagoela arriskuan.

Anbulantzia medikalizatu bat bertaratu da, baina neskatoa helikopteroz Nafarroako Unibertsitate Ospitalera eramatea erabaki dute.

Foruzaingoak hartu du bere gain gertatutakoa argitzeko ardura.

 

Hau zure interesekoa bada, baliteke beste gai hauek ere izatea
Nafarroa Gizartea Eguneko albisteak Albisteak Corella