Gizartea -
Gertakaria
Bi pertsona ospitaleratu dituzte sute baten ondorioz, Donostian
Sutea Donostiako San Martzial kalean piztu da eta eraikina jendez hustu behar izan dute. Irunen beste sute bat gertatu da, baina ez da zauriturik izan.
Erredakzioa
Bi pertsona Donostiako ospitalera eraman behar izan dituzte gauerdian hiriko San Martzial kalean piztu den sute baten ondorioz.
Herrizaingo Sailak jakitera eman duenez, sua 00:10 aldera piztu da aipatu kaleko lehenengo solairuko sukaldean eta bizilagunak etxetik atera behar izan dituzte badaezpada ere.
Keak bi pertsona kaltetu ditu eta Donostiako ospitalera eraman behar izan dituzte.
Bestalde, beste sute bat piztu da 00:25ean Irungo Fermin Calbeton kaleko etxebizitza batean eta, zauriturik izan ez bada ere, bizilagun batzuk etxetik atera dituzte.
Hau zure interesekoa bada, baliteke beste gai hauek ere izatea