Gizartea -
Emakumeen kontrako indarkeria
Gizon bat atxilotu dute Bilbon bikotekideari eraso egitea leporatuta
Emakumeen kontrako indarkeria delitua egotzi diote 35 urteko gizonezkoari. Biktima ospital batean artatu behar izan dute.
Erredakzioa
Ertzaintzaren agenteek 35 urteko gizon bat atxilotu du Bilboko Zabala auzoan ustez bere bikotekideari eraso egin diolako, Herrizaingo Sailak jakinarazi duenez.
Gertakaria goizaldean izan da, emakume batek Ertzaintzari deitu dio bikotekidearen erasoa jasaten ari zela ohartaraziz. Gizonak telefonoa kendu dio, baina ez du linea eten eta ertzainek emakumearen negar hotsa eta garrasiak entzuten jarraitu dute koordinazio zentrotik.
Ertzaintzaren patruila bat bertaratu da etxebizitzara eta ustezko erasotzailea atxilotu dute, emakumeen kontrako indarkeria delitua egotzita. Biktimak hainbat kolpe jasan ditu aurpegian, eta ospitalera eraman dute.
