Gizartea -
Trafiko
Lagun bat hil da Oloritzen auto batek eta kamioi batek talka eginda
Gidari bat hil da, oraindik ikertzeke dauden arrazoiengatik, kamioi batek eta auto batek aurrez aurre talka egin dutenean. Ezbeharra Iruñeatik Tudelara doan N-121 errepidean jazo da, Oloritz parean.
Erredakzioa
Lagun bat hil da igande honetan Iruñeatik Tuterara doan N-121 errepidean, Oloritz parean, jazotako auto-istripu batean. Nafarroako Gobernuko iturriek jakitera eman duenez, ezbeharra 13:05ean izan da, oraindik ezezagunak diren arrazoiengatik, kamioi batek eta auto batek aurrez aurre talka egin dutenean.
Hildakoaren izen-abizenak oraindik ez dute ezagutzera eman baina dirudienez, gidaria bertan zendu da. Nafarroako SOS Zerbitzuek Nafarroako Foruzaingoko hainbat kide bidali dute bertara, istripuaren ondorioz errei bat itxi dutelako.
