Gizartea -
KORONABIRUSA
Nafarroak hiru hildako, 1.382 positibo berri eta 13 ospitaleratze izan ditu, horietako hiru ZIUn
Positiboen kopuruak behera egin du. Positibotasun tasa % 41,9koa da. Guztira, 241 paziente Nafarroako ospitaleetan daude covidak jota, horietako 28 ZIUetan.
EITB MEDIA
Nafarroak 1.382 covid-19 positibo berri baieztatu ditu ostegunean 3.300 proba egin ondoren. Positibotasun tasa % 41,9koa da. Gainera, hiru hildakoren berri eman dute.
Aurreko egunarekin alderatuta, beherakada eman da; izan ere, asteazkenean 1.642 kasu antzeman zituzten Foru Erkidegoan, % 41,6ko positibotasunarekin. Asteartean 1.754 kutsatu (% 41,6), astelehenean 1.836 positibo (% 42,1), igandean 1.265 kasu (% 57,3), larunbatean 1.284 (% 54,2), ostiralean 1.887 (% 43,1) eta iragan ostegunean 1.999 (% 45,2) baieztatu zituzten.
Atzo 13 ospitaleratze izan ziren, horietako hiru ZIUn. Guztira, 241 paziente Nafarroako ospitaleetan daude covidak jota, horietako 28 ZIUetan.
Txertaketari dagokionez, ostegunean 3.874 dosi eman zituzten. Guztira, 1.340.849 dosi banatu dituzte Nafarroan. Azkenik, 544.337 pertsonak txertaketa bukatu dute.
