Ostiralean Europako Mendietan zauritutako bizkaitarra erreskatatu dute

Ostiralean erori eta zauria egin zuen eskalatzaile bizkaitarra erreskatzeko 18 pertsonako taldea behar izan dute. Eskalatzailea Peñasanta inguruan zen, Europako Mendien erdialdeko mendigunean. Elurrak eta lainoak helikopteroen laguntza ezinezkoa egin dute.

Mendizalea, V.B.U., 54 urtekoa, Erandiokoa da, eta gaua bakarrik baina ondo hornituta igaro du eskalatzen ari zen tontorrean. Berarekin eskalatzen ari zen laguna eztaldura telefonikoa zegoen eremu baten bila joan zen eskuko telefonoaren bidez laguntza eskatzeko.

Guardia Zibilaren eta Asturiaseko 112ko iturrien arabera, eskalatzailea Vegarredondako babeslekura eraman dute, elurretan oinez "ordu neketsuak" eman ondoren. Eremua oso malkartsua da eta zenbait lekutan, gainera, elurrak 70 zentimetroko altuera zuen eta izotz plakak zeuden.

Zauria ezkerreko zangoan

Eskalatzaileak zauria du ezkerreko zangoan eta Vegarredondako babeslekuan dago. Bertara 16:30ak aldera iritsi da eta mediku batekin dago. Arratsaldean edo igande goizean helikopteroz eramango dute ospitalera.