Alkoholemiagatik eta kontrako noranzkoan gidatzeagatik, atxilotuta

Ertzaintzak 45 urteko kamioilari bat atxilotu du A-8 autobidean, Oiartzunen, kontrako noranzkoan eta alkoholaren eraginpean gidatzeagatik.

02.00an jaso du abisua Ertzaintzak, Errumaniako matrikula zuen kamioi bat, Oiartzungo zerbitzugune parean, Frantziara bidean, kontrako noranzkoan zihoala ohartaraziz.

Ertzaintza bertara iritsi denean, ordainlekutik gertu aurkitu du kamioia, geldituta. Alkoholemia proba egin diote eta 0,98 miligramoko alkohol-maila eman du. Ondorioz, bide-segurtasuna arriskuan jartzeagatik atxilotu dute.