Zazpi pertsona hil ziren atzo Nafarroan covid-19aren ondorioz eta 409 positibo atzeman zituzten

Positibitate tasa %23koa izan zen. 145 pertsona daude une honetan covidagatik ospitaleratuta, horietatik 21 ZIUn.

Nafarroako Ospitaletko ZIUa. Argazkia: EFE

EITB MEDIA

publikatuta: 2022/02/12 18:28 (UTC+1)

azken eguneratzea: 2022/02/12 18:28 (UTC+1)

Zazpi pertsona hil ziren atzo Nafarroan, covid-19aren ondorioz, eta 409 kutsatze berri zenbatu zituzten, azaroaren 30etik izandako kopururik txikiena.

Orotara, koronabirusa atzemateko 1.871 proba egin ziren, eta positibotasuna % 23koa izan zen, bezperakoa bezala (% 22,5).

Foru Gobernuak zabaldutako datuen arabera, 145 pertsona daude une honetan covid-19agatik erietxeetan ingresatuta (aurreko egunean baino 12 gutxiago), horietatik 21 ZIUn (bezperako kopuru bera).

Datuak osasun eremuaren arabera bereizita, Iruñeko Arrotxapean atzeman zituzten atzo positibo gehien: 21, eta beste 15 Iturraman. Hiriburutik kanpo, 26 positibo diagnostikatu ziren Oliten eta 16 Zizun Nagusian.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.

Hau zure interesekoa bada, baliteke beste gai hauek ere izatea

Albisteak Nafarroa Gaixotasunak argazkiak Gizartea Eguneko albisteak Gaurko azken orduko albistea Nafarroako Gobernua berriak Osasunari buruzko albisteak Nafarroako Ospitale Gunea COVID olatu berria

Zazpi pertsona hil ziren atzo Nafarroan covid-19aren ondorioz eta 409 positibo atzeman zituzten

Esteka kopiatuta