Gizon bat atxilotu dute Nafarroan, koinatari tiro egin diolakoan

Foruzaingoak J. A. J. G. gizonezkoa atxilotu du, familia eztabaida batean pistola batez tiro eginda koinatari aurpegian eta besoan zauriak egitea egotzita.

Biktima onik dago, Nafarroako Gobernuak gaur agiri batean jakinarazi duenez, eta atxilotuari hilketa saiakera egotzi diote.

Atzo, 12:20an, Fiteroko osasun langile batzuek anbulantzia bat eta Foruzaingoa bertaratzeko eskatu zuten, 46 urteko emakume bat ustez haren familiako norbait erabiltzen ari zen 22 kalibreko pistola batez zauritu baitzuten.

Erasoaren unean, emakumeak aurpegia eskuez estali zuen, instintiboki, eta erasoaren larritasuna murriztu zuen horrela.