Gizartea -
2007tik desagertuta
Madeleine McCann Nerjan egon daiteke aztarna baten arabera
Portugaleko ikertzaileek jasotako informazioa berresteko eskatu diote polizia judizialari.
Erredakzioa
Portugaleko Poliziak Espainiako homologoei aztarna bat berresteko eskatu diete, izan ere, 2007tik desagertuta dagoen Madeleine McCann neskatoa Nerjan (Malaga) egon daiteke informazio horren arabera.
Orain 10 egun izan zuten horren berri, informatzaile batek, Nerjan, Madeleinen antza handia zuen haur bat ikusi zuela esan ostean.
Polizia judiziala aztarna hau berresteko lanetan hasi da, Sur egunkariak argitaratu duenaren arabera.
Madeleinen aztarna 2007ko maiatzaren 3an galdu zen, neskatoak ia lau urte zituenean. Gurasoekin, hauen lagunekin eta anaia bikiekin batera, Algarven, Portugalen, oporretan zegoen.