Gizartea -
Koronabirusa
Covid-19 kasu larriak eta eremu zaurgarrietan ematen diren agerraldiak soilik kontrolatuko dira aurrerantzean
Horrez gain, Osasun Ministerioak eta autonomia erkidegoek covid-19aren aldaera berriak eta intzidentzia-tasaren gorakadak detektatzeko sistemari eutsiko diete.
AGENTZIAK | EITB MEDIA
Espainiako Osasun Ministerioak eta autonomia erkidegoetako osasun agintariek hala adostuta, aurrerantzean covid-19 kasu larriak eta eremu zaurgarrietan ematen diren agerraldiak soilik kontrolatuko dituzte.
Carolina Darias Osasun ministroak azaldu duenez, pandemiaren fase berri honetan, covid-19aren aldaera berriak eta intzidentzia-tasa metatuaren gorakada kontrolatzen jarraituko dute. Ildo berean, txertoaren kanpainaren eraginkortasuna neurtuko dutela ziurtatu du.
Alabaina, aurrerantzean covid-19 kasu larriak soilik kontrolatuko dituzte, eta "eremu zaurgarrietan, bazterketa soziala ematen den guneetan edo interesekoak izan daitezkeen zonaldeetan" izaten diren agerraldien jarraipena egingo dute bakarrik.