Gizartea -
Ertzaintza ikertzen ari da
Bost edukiontziri su eman diete Bilbon, ikastetxe publiko baten alboan
Gertakaria Iralabarri auzoan jazo da goizaldean. Garren ondorioz inguruan aparkatuta zeuden auto bat eta bi moto kiskali dira.
Erredakzioa
Oraindik identifikatu ez dituzten hainbat pertsonak Bilboko Iralabarri auzoko Camacho ikastetxe publikoaren alboko bost edukiontziri su eman diete goizaldean. Hori dela eta, ikastetxeko gas-horniketa zerbitzua eten dute badaezpada ere.
Goizeko 03:00etan hasi da sua Monasterio kaleko 5.ean. Garrek inguruan aparkatuta zeuden auto bat eta bi moto kiskali dituzte.
Ertzaintza gertakaria ikertzen ari da.