Gizartea -
GERTAERAK
Gazte bat larri zauritu da Getxon, hainbat pertsonen arteko borroka batean
Arma zuriz egindako erasoa izan da. Oraingoz ez da atxiloketarik izan, baina Segurtasun Sailak gertaeren egileak bilatzen jarraitzen du.
AGENTZIAK | EITB MEDIA
Gazte bat larri zauritu da bizkarrean hainbat ebaki jasan ondoren, hainbat pertsonaren arteko borroka batean. Ezbeharra goizeko 04:00etan izan da, Getxoko Romo auzoan.
Biktima Gurutzetako ospitalera eraman dute, zauri larriekin.
Oraingoz, ez da atxiloketarik izan, baina Segurtasun Saila gertaeren egileak bilatzen ari da, eta ikerketa martxan jarri dute.