Abenduan desagertutako herritar batena izan daitekeen hilotz bat topatu dute Ega Ibaian, Lizarran

Foruzaingoak eta Errioxako Guardia Zibilaren GEAS urpekarien unitateko kideek gizonezko baten gorpua topatu dute gaur eguerdian Ega ibaian. 

Goizeko 11ak aldera herritar batek jo du abisua eta Lizarratik behera kilometro ingurura topatu dute, azkenean, hilotza. 

Lehen peskizen arabera, iazko abenduan desagertutako Franciso Javier Torralba, 42 urteko Lizarrako bizilaguna izan daiteke hildakoa.

Iruñeko Medikuntza Institutura eraman dute gorpua, identifikatzeko beharrezko frogak egitera. 

Abenduan desagertu zenetik, hainbat hilabete jardun ziren Torralbaren bila Ega ibaian eta Lizarrerrian.