Gizartea -
Eguraldiaren iragarpena
30 gradu arteko tenperaturak ostirala arte
Hego haizeak eta Afrika iparraldetik datorren aire masa beroak tenperaturak gora egitea eragingo dute.
Erredakzioa
Euskalmet Euskal Meteorologia Agentziak iragarri duenez, datorren asteazkenetik aurrera, eta bereziki ostegunean eta ostiralean, tenperatura maximoa 30 graduraino igoko da barnealdean eta 20 eta 25 gradu bitartean ibiliko dira kostaldean.
Asteazkenetik aurrera, hego haizeak eta Afrika iparraldetik datorren aire masa beroak tenperaturaren igoera eragingo dute, batez ere Euskal Herriko barnealdean.
Hori dela eta, ostegunean eta ostiralean 30 graduko maximoak erregistratuko dira barnealdean eta 20 eta 25 gradu bitartean itsasertzean, haizearen arabera.
Tenperatura minimoei dagokienez, 10 eta 15 gradu bitartean egongo dira barnealdean eta 15 eta 20 gradu artean itsasertzean.
Hala ere, datorren larunbatetik aurrera, eta bereziki igandean, aire beroko masa gutxitzen joango denez, tenperatura suabeak izango dira, baina ez horren altuak.
