Gizartea -
Desagertutako pertsonak
Iurretan ostegunetik falta zen 81 urteko emakumea onik topatu dute
Orozketa auzotik mendi buelta egitera atera zen arratsaldean, eta etxera itzuli ez zela eta, haren desagertzea salatu zuen familiak.
EITB Media
Larrialdi zerbitzuek Iurretan (Bizkaia) atzotik desagertuta zegoen emakumezkoa topatu dute, Segurtasun Sailak jakinarazi duenez. Onik topatu dute, baina badaezpada, Galdakaoko ospitalera eraman dute.
81 urteko andrea mendi buelta bat egitera atera zen 16:00ak aldera Orozketa auzotik, eta iluntzean etxera itzuli ez zela ikusita, desagertzea salatu zuen familiak.
Ordutik, honakoak hasi ziren emakumea bilatzen: Ertzaintzaren Mendiko Zaintza eta Erreskate taldea, Elorrioko txakur talde bat, herritarren segurtasunerako patruilak, suhiltzaileak, Gurutze Gorria eta Iurretako Udaltzaingoa.