Itxi

Gizartea

gipuzkoa

Hamabost pertsona artatu dituzte Errenteriako etxebizitza batean izandako sute baten ondoren

agentziak | eitb media

Lau familia bakarrik itzuli ahal izan dira euren etxebizitzetara. Gainerakoek senideen eta bizilagunen etxeetean ostatu hartu dute.

  • Kaltetutako eraikina, Errenterian. Argazkia: EITB Media

    Kaltetutako eraikina, Errenterian. Argazkia: EITB Media

Hamabost pertsona artatu behar izan dituzte bart gauean osasun zerbitzuek, Errenteriako (Gipuzkoa) etxebizitza batean piztutako sute baten ondorioz, suhiltzaileek eta Eusko Jaurlaritzaren Segurtasun Sailak jakitera eman dutenez.

Ostiral gaueko 23:30ak aldera piztu zen sua, Errenteriako Miguel Zabaleta kaleko lau solairuko eraikin bateko lehen pisuko etxebizitza batean.

Eraikina hustu zuten sugarrak eta kea zirela eta, eta hamabost pertsona artatu zituzten guztira lekuan bertan. Gainera, horietako batzuk ospitalera ere eraman behar izan zituzten.

Suhiltzaileek sua itzaltzea lortu zuten, baina lau familia bakarrik itzuli ahal izan dira euren etxebizitzetara. Gainerakoek senideen eta bizilagunen etxeetan ostatu hartu dute.

  • Bisitatuena

      Kargatzen ikusiena
      Kargatzen ikusiena