Gizartea -

Gaixotasunak

Tximino-baztangaren lehen kasu susmagarria atzeman dute Nafarroan

Ez du oraindik Madrilgo Carlos III.a Institutuko Mikrobiologia Zentro Nazionalaren baieztapenik. Ustez infektatutako pertsonak ez du ospitaleratu beharrik izan.

Agentziak | EITB Media

Whatsapp Facebook Twitter Telegram Email

Nafarroak tximino-baztangak eragindako infekzio susmagarri baten berri eman dio Osasun Alerta eta Larrialdiak Koordinatzeko Zentroari (CCAES), Osasun Ministerioaren tximino-baztanga kasuak garaiz detektatzeko eta maneiatzeko protokoloari jarraituz.

Ustez infektatutako pertsona Osasun-sistemarekin harremanetan jarri zen, eta beharrezko azterketak eginda, ez du ospitaleratu beharrik izan- Majadahondako Carlos III.a Mikrobiologia Zentro Nazionala lagina aztertzen ari da kasua baieztatu ahal izateko.

Gainerako erkidegoetan bezala, Nafarroan aktibo dago Osasun Ministerioak bultzatutako osasun-alerta, eta erkidegoan baieztatutako kasuen berri emango du Osasun eta Osasun Publikoko Ministerioaren ohiko bideen bidez, Gobernuak jakitera eman duenez.

Hau zure interesekoa bada, baliteke beste gai hauek ere izatea
Nafarroa Gaixotasunak Gizartea Eguneko albisteak Albisteak Nafarroako Gobernua Nafarroako Ospitale Gunea Tximino-baztanga