Gizartea -
Trafikoa
39 urteko motor-gidari bat hil da Azpeitian, auto baten kontra talka eginda
Istripua 18:40ak aldera gertatu da, GI-631 errepidean, Azpeitian eta Zestoa artean, motor batek eta auto batek talka egin dutenean. Ezbeharraren ondorioz, errepidea itxi behar izan dute hainbat orduz, baina dagoeneko zirkulazioa berrezarri dute, guztiz.
AGENTZIAK | ERREDAKZIOA
39 urteko gizon bat hil da igande honetan Azpeitian (Gipuzkoa) izandako trafiko-istripu batean, Segurtasun Sailak jakinarazi duenez.
Istripua 18:40ak aldera gertatu da, GI-631 errepidean, Azpeitia eta Zestoa artean, motor batek eta auto batek talka egin dutenean. Ezbeharraren ondorioz, motor-gidaria hil da.
Suhiltzaileak eta Ertzaintza bertaratu dira, eta errepidea guztiz moztuta mantendu dute 20:40ak aldera arte; orduan, txandakako zirkulazioa ezarri dute, ia ordubetez, eta 21:20etarako zirkulazioa berrezarri dute.
Ertzaintzak ikerketa abiatu du eta lekukoen laguntza eskatu du istripuaren nondik norakoak argitzeko.