Gizartea -

Osasuna

Osakidetzak onartu du "garai nahasiak" bizi dituela Lehen Mailako Arretak

Susana Martin Lehen Mailako Arretako zuzendariordeak adierazi duenez, aurrez aurreko arretaren eskaria pandemia aurretik zegoena baino % 60 baxuagoa da. Familiako Medikuntzako eta Pediatriako plaza asko ez direla betetzen onartu du, arrazoia ezagutzen ez duten arren.

Perez eta Martin, gaurko agerraldian. Argazkia: Irekia.
Perez eta Martin, gaurko agerraldian. Argazkia: Irekia.
Perez eta Martin, gaurko agerraldian. Argazkia: Irekia.

EITB Media

Whatsapp Facebook Twitter Telegram Email

Rosa Perez Osakidetzako zuzendari nagusiak astelehen honetan aitortu duenez, Lehen Mailako Arretak "garai nahasia bizi du", "aldaketa sozial eta belaunaldi-aldaketa" bezalako faktoreek duten eraginagatik, besteak beste.

Perezek agerraldia egin du Eusko Legebiltzarreko Osasun Batzordean, Lehen Mailako Arretaren egoeraren berri emateko, Rebeka Ubera EH Bilduko legebiltzarkideak eskatuta.  Perezekin batera, Legebiltzarrean izan da Susana Martín Lehen Mailako Arretako zuzendariorde ere, eta azalpen eta  datu zehatzagoak eman ditu plantillen inguruan, martxan dauden programen inguruan eta pazieenteen arretaren inguruan.

Martinek zehaztu duenez, Osakidetzak pandemia aurreko aurrez aurreko kontsulta-maila berreskuratu du, baina bi urteko mugen ondoren, aurrez aurreko arreta-eskaera txikiagoa izan da, telefono bidezkoa baino % 60 txikiagoa. Hala, ziurtatu du gaur egun aurrez aurreko kontsultarako atzerapen-neurria bi egunekoa dela, eta telefono bidezko kontsultarako, berriz, hiru egunekoa.

Horrez gain, jakinarazi du arazo bat dagoela hainbat espezialitatetan profesionalak bilatzeko, hala nola Familia-Medikuntzan edo Lehen Mailako Arretako Pediatrian. Eman dituen datuen arabera, pediatriarako eskaintza telematikoan eskaini diren 30 plazetatik 10 baino ez dira bete. Helduentzako arretaren kasuan, 116 plaza eskaintzen ziren, eta horietatik 65 bete dira.

Bete gabe geratu diren plaza askok goizeko ordutegia eta 3.000 euroko soldata zutela azpimarratu du, eta bere ustez horrek adierazten du ordutegiak ez direla lan-eskaintza horiek ez betetzeko arrazoia. "Plaza erakargarri bat zeri deritzen antzematea oso zaila da", adierazi du.

Hau zure interesekoa bada, baliteke beste gai hauek ere izatea
Osakidetza Eusko Jaurlaritza Euskal Autonomia Erkidegoa Gizartea Eguneko albisteak Albisteak Medikuak Erizaintza Anbulatorioak