Gizartea -

Iruña

Gurutze Gorriak Iruñeko egoitzaren aurkako pintaketak salatu ditu

Fatxadaren beheko solairu osoa, Aralar kalean hasi eta garajeko ateraino, "pintura beltzez zikinduta" agertu da.

Pintaketak Iruñeko Gurutze Gorriaren horman. Argazkia: Gurutze Gorria.
Pintaketak Iruñeko Gurutze Gorriaren horman
Pintaketak Iruñeko Gurutze Gorriaren horman. Argazkia: Gurutze Gorria.

Agentziak | EITB MEDIA

Whatsapp Facebook Twitter Telegram Email

Gurutze Gorriak Iruñeko egoitzan bart izandako "ekintza bandalikoak" salatu ditu Udaltzaingoan. Arduradunek ohar baten bidez jakinarazi dutenez, instalazioetatik alde egin zuen azken pertsonak, 23:30 aldera, egiaztatu zuen "fatxadaren beheko solairu osoa", Aralar kalean hasi eta Leyre kaleko tarte horren erdian dagoen garajeko ateraino, "pintura beltzez zikinduta" zegoela.

Twitterren ere salatu dute, honako hau jarrita: "Salatzen ditugu Nafarroako Gurutze Gorriaren egoitzak bart jasan dituen ekintza bandalikoak".

Gurutze Gorriak nabarmendu duenez, elementu kaltetuen artean, sarbideaz gain, Gurutze Gorriak Iruñeko bide publikoan jarri zuen lehen desfibriladore erdiautomatikoa dago.

Bere esanetan, gertakari hori "ulertezina da, azken egunotan boluntarioek Nafarroan deklaratutako baso-suteen aurrean egiten ari diren lan handia eta gizartearen edozein premiaren aurrean duten eskuragarritasuna tindatzen baititu".

Pintadas en Cruz Roja Pamplona

Hau zure interesekoa bada, baliteke beste gai hauek ere izatea
Iruñea Nafarroa Gurutze Gorria Gizartea Eguneko albisteak Albisteak