Gizartea -
Alakanten
Gidatzen zihoan bitartean kokaina esnifatzeagatik atxilotu dute
Gidariaren ondoko pertsonak eskuetan karpeta bat zeraman, eta karpeta horren gainean "sustantzia zuri bat". Gidariak sustantzia hori "esnifatu" egiten zuela ikusi zuten Guardia Zibilek.
Erredakzioa
Guardia Zibilak gizonezko bat atxilotu du Alakanten, gidatzen zihoan bitartean kokaina esnifatzeagatik. Poliziek ibilgailu ofizialetik gizonezkoa kokaina hartzen ikusi zuten.
Atxilotuarekin batera, bigarren pertsona bat zihoan ibilgailu barruan. Villenako herritik gertu (Alakant), Guardia Zibila ibilgailuaren ondoan kokatu zen, baina atxilotuak ez zituen poliziak ikusi.
Gidariaren ondoko pertsonak eskuetan karpeta bat zeraman, eta karpeta horren gainean "sustantzia zuri bat". Gidariak sustantzia hori "esnifatu" egiten zuela ikusi zuten Guardia Zibilek.
Minutu batzuk lehenago, ibilgailu horrek debekatutako aurreratzea egin zuela gaineratu du Poliziak.