Gizartea -
Zirkulazio istripua
Emakume bat zauritu da Ormaiztegin, autoarekin 30 metrotik erorita
Emakumezkoa bere kabuz atera ahal izan da ibilgailutik, baina ospitalera eraman behar izan dute.
Erredakzioa
Emakume bat zauritu egin da Ormaiztegin (Gipuzkoa), ibilgailua bidetik atera eta 30 metroko sakan batera erorita.
Eusko Jaurlaritzako Herrizaingo Sailak jakinarazi duenez, ezbeharra GI-632 errepidean jazo da, 09:00etan inguru. Ordu horretan, autoa errepidetik atera, horma baten aurka jo eta 30 metrotik jausi da, enpresa baten aparkalekura.
Emakumea bere kabuz atera ahal izan da ibilgailutik, baina Zumarragako Ospitalera eraman behar izan dute.
Bestalde, Etxegarateko mendatean, Idiazabal parean, kamioi batek artaziarena egin du 08:00etan, eta, ondorioz, errei bana itxi behar izan dute bi noranzkoetan.
Hau zure interesekoa bada, baliteke beste gai hauek ere izatea
