Gizartea -
Nafarroa
Hondakinak zituen pabiloi bat kiskali da Andosillan
Sutean, orga jasotzaileetan zeuden bonbonek eztanda egin dute, eta ondoan dagoen pabiloi batean ere kalteak egon dira. Ez da zauriturik egon, eta Guardia Zibilak ikerketa abiatu du gertatutakoa argitzeko.
I.G. | EITB MEDIA
Hondakinak (plastikoak eta muxika azalak) zituen pabiloi bat kiskali da gaur Andosillako industriagunean goizeko lehen orduan.
Guardia Zibilak zabaldu duenez, 06:20 inguruan, patruilan zeuden agenteak suteaz ohartu dira, ingurua hesitu, eta abisua eman dute.
Sutean, orga jasotzaileetan zeuden bonbonek eztanda egin dute, eta ondoan dagoen pabiloi batean ere kalteak egon dira. Halaber, ondoko instalazio horretako bi atoi ere kaltetu dira.
Guardia Zibilak ikerketa abiatu du gertatutakoa argitzeko.