Arazo teknikoak tarteko, Euskotreneko bidaia-txartelak erosi eta txartelak kargatzea eskudirutan egin behar da

Euskotreneko erabiltzaileek, astearte honetan, eskudirutan ordaindu behar dituzte bidaia-txartelak eta kontakturik gabeko txarteletako kargak; izan ere, "arazo teknikoak" tarteko, ezinezkoa da kreditu-txartela erabiliz egitea, konpainiak berak Twitter sare sozialean jakitera eman duenez.

Euskotren, txio horretan zehaztu duenez, lanean dabil arazoa "ahalik eta lasterren" konpontzeko. Erabiltzaileei barkamena eskatu die, gainera.