Gizartea -
Nafarroa
Auto batek su hartu du Olkotzen, eta gidaria zauritu egin da
Ezbeharraren ondorioz, ondoko zelaiak ere hartu du su, baina sutea kontrolatuta dago. Etxauriko jolas-finka batean ere piztu da sute bat gaur arratsaldean.
Agentziak | EITB MEDIA
Ibilgailu batek su hartu du errepidean, Olkotzen, eta, ondorioz, gidaria zauritu egin da. Ezbehar horrek baso sute bat eragin du ere, sugarrak uztondo batera zabaldu direlako. Hala ere, suhiltzaileek sutea kontrolatu dute.
Ezbeharra arratsalde erdian gertatu da, NA-6020 errepideko 3. kilometroan, Olkotzen. Ibilgailuak su hartu du, eta gidaria Nafarroako Unibertsitate Ospitalera eraman behar izan dute anbulantzian, 112-SOS Nafarroak jakinarazi duenez.
Bestalde, iturri berberek jakinarazi dute gaur arratsaldean ere lortu dutela beste sute bat kontrolatzea Etxauriko aisialdi finka batean, San Pedroko ubidearen inguruan.
