Gizartea -
Basauri
Hiru lagun zauritu dira eta eraikin bat hustu dute Basaurin, sute batengatik
Sutea ostiral honetako 5:00ak aldera piztu da etxebizitza batean. Bertan bizi den emakumea eta bi ertzain zauritu dira kea arnasteagatik. 8:00etan, bizilagunak eraikinera bueltatu ahal izan dira.
EITB MEDIA
Hiru lagun zauritu dira eta eraikin bat hustu dute Basaurin, ostiral honetako 5:00etan bertako etxebizitza batean piztutako sute baten ondorioz, Eusko Jaurlaritzako Segurtasun Sailak jakitera eman duenez.
Sutea piztu den etxebizitzan bizi den emakumea eta bi ertzain zauritu dira, denak kea arnasteagatik. Galdakaoko Ospitalera eraman dituzte hirurak.
8:00etarako, sutea itzalita zegoen, eta bizilagunak etxera bueltatu ahal izan dira. Eraikinak zazpi solairu ditu.
Hau zure interesekoa bada, baliteke beste gai hauek ere izatea