Gizartea -

ONGI ETORRI ERREFUXIATUAK

'Marea Horia' gaur bueltatuko da Plentziako eta Gorlizko hondartzetara

Ekitaldi honekin Ongi Etorri Errefuxiatuak elkartearen helburuak dira mundu osoan milioika pertsonak bizi duten errealitate agerian jartzea eta gobernuei eta erakundeei nazioarteko itunetan jasotako giza eskubideak errespetatuko dituen migrazio- eta harrera-politikak har ditzaten eskatzea.

'Marea Horia' aurreko edizio batean. Argazkia: Ongi Etorri Errefuxiatuak.
'Marea Horia' aurreko edizio batean. Argazkia: Ongi Etorri Errefuxiatuak.
'Marea Horia' aurreko edizio batean. Argazkia: Ongi Etorri Errefuxiatuak.

EITB MEDIA

Whatsapp Facebook Twitter Telegram Email

Ongi Etorri Errefuxiatuak elkarteak gaur ospatuko du 'Marea Horia' Plentzia eta Gorlizko hondartzetan. Ekitaldiak bi helburu izango ditu; alde batetik, mundu osoan milioika pertsonak bizi duten errealitate agerian jartzea, eta bestetik, gobernuei eta erakundeei eskatzea nazioarteko itunetan jasotako giza eskubideak errespetatuko dituen migrazio- eta harrera-politikak har ditzatela.

Elkarteak salatu du hogeita zortzi mila pertsona baino gehiago hil direla 2014tik, Europara iritsi nahian edo haien barne-mugetan.

Halaber, jakinarazi du irailaren 30ean eta urriaren 1ean Bruselan "Eskubideak. Hilketarik ez" goiburua duen protesta ekitaldia egingo dela, Europar Batasuna salatzeko, heriotza horiek eragiten dituzten migrazio-politiken erantzule gisa, eta Europako instituzioei eskatzeko migratzaileen giza eskubideak bermatuko dituzten neurri zehatzak ezartzea, eta Europar Batasunean iritsi diren eta bizi diren pertsona guztien erregularizazioa bideratzea.

Hurrengoa da 'Marea Horia'ren egitaraua:

12:00etan: Irteera Hondartzapeko hondartzara jaisteko arrapalatik Plentziako hondartzaren amaieraraino.

13:00etan: Pertsona katea egingo da portuan zehar, hura inguratuz, itsasadarraren pasealekutik Astillero plazaraino. Bertan, omenaldi-ekitaldia egingo da.

13:30ean: Aurreskuarekin eta biolinarekin desagertutako pertsonak omentzeko ekitaldia egingo da, eta loreak itsasadarrera jaurtiko dira.

14:00etan: Ekitaldia amaitu ondoren, pintxo pote bat eskainiko da Astillero plazan, tortilla, gazta eta txorizoarekin.

Hau zure interesekoa bada, baliteke beste gai hauek ere izatea
Bizkaia EAE albisteak Gizartea bideoak Eguneko albisteak Plentzia Gaurko azken orduko albistea Siriar errefuxiatuak Europan bideoak Gorliz azken ordukoa Errefuxiatuak azken ordukoa