Gizartea -
BILBO
Bilboko Areatzan sua hartu zuen eraikineko bizilagunek etxeetara sartu ezinik jarraitzen dute
Kaltetuetako batek Radio Euskadin irmo adierazi du sugarrak Aste Nagusiko su artifizialen ondorioz hasi zirela. Urrun ikusten du etxeetara behin-betiko sartzeko aukera.
EITB MEDIA
Bilboko Areatzan sua hartu zuen eraikineko bizilagunek etxeetara sartu ezinik jarraitzen dute eraikinaren egoera txarraren ondorioz.
Kaltetuak egunean bi aldiz baino ezin dira sartu beren etxeetara norberaren gauzak jasotzera. Bi txandatan sartzen dira; bat, goizean eta bestea, arratsaldean, suhiltzaileen laguntzarekin.
Eraikineko bizilagun batek Radio Euskadin azaldu duenez, etxeetara behin-betiko sartzea urrun ikusten dute, teilatua oso kaltetuta dagoelako, eta ez dakitelako suak argindarrean eta gasan eragina izan duen.
Sutearen sorreraren inguruan galdetuta, kaltetuak argi dauka sugarrak Aste Nagusiko su artifizialen ondorioz hasi zirela.
SUAK KALTETUTAKO ETXEBIZITZA BATEN IRUDIAK: