Gizartea -
Trafikoa
64 urteko emakume bat hil da Erandion auto batek harrapatu ostean
Emakumezkoa Gurutzetako Ospitalean zendu da gauerdian. Larri eraman zuten erietxera auto batek harrapatu ondoren. Ertzaintzak ikerketa zabaldu du.
E. G. | EITB Media
64 urteko emakume bat hil da gauerdian Gurutzetako Ospitalean (Barakaldo, Bizkaia), atzo arratsaldean auto batek Erandion harrapatu eta larri zauritu ostean.
Eusko Jaurlaritzako Segurtasun Sailak eitb.eus-i baieztatu dionez, 20:45 aldera gertatu zen harrapaketa, autoak emakumea harrapatu zuenean Enekuriko errepidean, Bi-604an, Bilboko noranzkoan.
Ertzaintzak ikerketa zabaldu du gertatutakoa argitzeko eta ez du bestelako daturik eman.