Ospitalera eraman dituzte bi heldu eta adingabe bat Santurtziko etxe bateko sutean kea arnastuta

Bi helduk eta adingabe batek arnas arazoak izan dituzte eta, horren ondorioz, ospitalera eraman behar izan dute, euren etxebizitzan piztutako sute batean kea arnastuta, Santurtzin.

Segurtasun Sailak jakinarazi duenez, sutea 01:15ak aldera piztu da, Santurtziko Mendi Alde kaleko etxebizitza bateko sukaldean, argitu gabeko arrazoiengatik.

Sutearen ondorioz, bizilagunak etxetik irtenarazi behar izan dituzte, eta heldu bi eta adingabe bat Gurutzetako Ospitalera eraman dituzte, arnas arazoak jota.