Gizartea -
GERTAKARIA
Arrantzale bat hilda topatu dute Jaizkibel inguruan, Hondarribian
Atzo iluntzean atera zen itsasora, eta goizean, etxera itzultzen ez zela ikusita, bilaketa lanak hasi dituzte. 15:30 inguruan, hilda aurkitu dute, eta Pasaiako portura eraman dute gorpua.
EITB MEDIA
67 urteko arrantzale bat hilda aurkitu dute gaur arratsaldean Jaizkibel inguruko uretan, Hondarribia parean. Antza, askotan egin ohi zuen bezala, atzo ilunabarrean atera zen itsasora, eta itzultzen ez zela eta, haren etxekoek abisua eman diete larrialdi zerbitzuei.
Goizeko lehen orduan, bilaketa lanak abiatu dituzte, eta 15:30 inguruan topatu dute gorpua itsasoan.
Ertzaintzak ikerketa zabaldu du gertatutakoa argitzeko. Arrantzalearen gorpua Pasaiako portura eraman dute.