Gizartea -
IZENBURU NAGUSIAK
Albiste izango dira: Haur baten bahiketa Basurtun, soldatak aztergai Legebiltzarrean eta Junkera jendaurrean
Gaurkoan albiste izango direnen laburpena, hitz bitan.
EITB MEDIA
Honako gai hauek hartuko dituzte gaur, urriak 19, hedabideetako lerroburu nagusiak:
- Haur baten bahiketa Basurtun: Emakume batek haurtxo bat bahitu du bart Basurtuko Ospitalean (Bilbo), eta Ertzaintza eta Bilboko Udaltzaingoa haien bila ari dira. Hori dela eta, herritarrei laguntza eskatu diete.
- Soldatak aztergai Eusko Legebiltzarrean: EH Bilduk hala eskatuta, langileen soldata igoera izango dute aztergai, besteak beste, Eusko Legebiltzarrean gaur egingo duten saioan, 09:30etik aurrera. - Kepa Junkera berriro jendaurrean: "Kepa Junkera Berpiztu" dokumentala eskainiko da BBK Aretoan, 19:15etik aurrera, eta bertan izango da Junkera bera. Erakundeetako ordezkaritza zabal bat han izango da.
