Gizartea -
Atxilotu egin dute
Neska-lagun ohiaren bikotekideari guraizeekin eraso egin dio Gasteizen
Biktimak bi zauri zituen sorbaldan eta lepoan, ustez, neska-lagunaren bikotekide ohiak eraginda.
Erredakzioa
49 urteko gizonezko bat atxilotu du Ertzaintzak Gasteizen, bikotekide ohiaren egungo bikotekideari eraso egiteagatik.
Herrizaingo Sailaren arabera, Gasteizko ospitale batetik Ertzaintzari deitu diote, sorbaldan eta lepoan beste norbaitek egindako zauriak zituen gizonezko bat artatzen ari baitziren.
Patruila bat bidali eta biktimarekin harremanetan jarrita, neska-lagunaren bikotekide ohiak eraso egin diola jakin dute agenteek. Biktimaren arabera, Zaramago auzoan liskarra izan dute, eta, ondoren, eraso egin dio.
Gertatutakoa berretsi eta gero, ustezko erasotzailea atxilotu dute eta epailearen aurrera eramango dute.