Emakumea atxilotu dute zaindu zuen agureari jotzeagatik eta osteagatik

39 urteko emakume bat atxilotu dute Irunen (Gipuzkoa) zaindu zuen 87 urteko agureari jotzeagatik eta etxean lapurretan egiteko armairu batean sartzeagatik.

Iragan larunbatean gertatu zen dena. 87 urteko gizona emakumearen etxera joan zen bitxiak lapurtu zizkiola susmatzen baitzuen, Herrizaingo Sailak jakitera eman duenez.

Han, emakumea gizonaren kontra oldartu zen, ahoa itxi zion, eskuak eta hankak lotu zizkion eta kreditu txartelak etxeko ze lekutan gordetzen dituen esateko exijitu zion. Gainera, biktimari makil batekin jo zion buruan mehatxu egiten zion bitartean.

Agurearen etxeko giltzak eskuratu zituenean, emakumeak agurea heldu eta armairu batean sartu zuen, biktimaren etxera joan eta txartelak eta beste gauza batzuk lapurtzeko.

Etxera itzuli zenean, emakumeak gizona askatu zuen. Agurea etxera itzuli zen eta gauza asko lapurtu zizkiola ohartu zen; testamentua, besteak beste.