Gizartea -
Zigoitian
71 urteko mendizale bat zauritu da, Gorbeiako hegaletan erorita
Aurkitu dutenean, buruan kontusioa zuen, eta hanketako batean zauria, odola zeriola. Torniketea egin behar izan du bertan.
Erredakzioa
71 urteko gasteiztar gizon bat zauritu da astearte honetan Gorbeia mendiko hegaletan erorita, Ertzaintzak jakitera eman duenez.
Ezbeharra Arabako Zigoitia udalerrian izan da. 18:00etan, SOS Deiak larrialdi zerbitzra deitu dute, istripuaren berri emanaz. Lagun batek mendizalea aurkitu du, zaurituta. Buruan kontusioa zuen, eta hanketako batean zauria zeukan, odola zeriola. Torniketea egin behar izan du gizonak berak bere hankan.
71 urteko mendizaleak azaldu duenez, Gorbeiako hegaletan erori da, eta, zaurituta, Murua aldera iristea lortu du, bertan laguntza eskatzeko.
Ertzaintzako agenteak eta anbulantzia bat bertaratu, eta zauritua Gasteizko Santiago ospitalera eraman dute.