Gizartea -

Trafikoa

A-8 autobidean, Muskiz parean, atzo iraulitako zisterna kamioia kendu dute bidetik

Ibilgailua erretiratzeko lanak zailak izan dira, eta gauez itxi egin behar izan dute autobidea bi noranzkoetan. Goizean zabaldu dute atzera berriz autobidea, eta zirkulazioa bere onera etortzen hasi bada ere, 4 kilometrorainoko ilarak sortu dira.

Istripua izan duen ibilgailua. Argazkia: EITB Media
Istripua izan duen ibilgailua.
Istripua izan duen ibilgailua. Argazkia: EITB Media

EITB Media

Whatsapp Facebook Twitter Telegram Email

Kamioilari bat hil zen atzo A-8an, Onton parean (Kantabria) eta Santanderreko noranzkoan, istripua izan ostean, Castro Urdialeseko suhiltzaileek jakinarazi zutenez. Ondorioz, autobidea itxi behar izan zuten Saltacaballon (Castro Urdiales), Bizkaiko noranzkoan.

Goiz osoan zehar, auto ilara luzeak izan ziren, Bizkaiko zatira ere helduta. Gauean, berriz, ibilgailua bidetik kentzeko lanak egin dituzte, eta horretarako, autobidea itxi dute Muskiz parean. 06:00etan zabaldu dute atzera ere, eta trafikoa bere onera etortzen hasi bada ere, 4 kilometrorainoko auto pilaketak izan dira.

Gobernuaren Ordezkaritzak ohartarazi zuenez, zubibidearen erdibitzailearen gainean iraulita gelditu da kamioia, eta enpresa espezializatu batek erretiratu behar izan du bi garabiren bidez. Lanek iraun duten artean, zirkulazioa N-634 errepidetik bideratu dute.

Ezbeharra 10:30 igarota gertatu zen. Argitu gabeko arrazoiak tarteko, kamioia bidetik atera, eta irauli egin zen. Suhiltzaileak bertaratu ziren harrapatuta geratu den kamioi gidaria ateratzeko. Tamalez, baina, bertan zendu zen.

Hau zure interesekoa bada, baliteke beste gai hauek ere izatea
Trafiko Istripuak Bizkaia Muskiz Gizartea Eguneko albisteak Albisteak A-8 Autobidea Kantabria Errepideko istripuen biktimak Merkantzia-garraioari buruzko albisteak